Doli numri 6 i revistës Albanica

Share

Shoqata Lidhja e Shqiptarëve të Rumanisë (ALAR) publikoi numrin gjashtë të revistës kulturore-shkencore „Albanica”. Duke vazhduar traditën e numrave paraardhës, „Albanica” përfshin materiale klasike dhe bashkëkohore nga fusha e albanologjisë, por edhe nga ajo e marrëdhënieve historike dhe kulturore rumuno-shqiptare.

Në mbi 240 faqet e këtij numri, lëçitësi mund të gjejnë një dossier kushtuar fotografit shqiptar, me famë botërore, Gjon Mili, i cili ka kaluar adoleshencën në Bukuresht, ku ka studjuar në Liceun e mirënjohur „Gheorghe Lazăr”. Ilustrimet e numrit 6 të revistës u përkasin disa emrave të rëndësishëm të artit rumun dhe shqiptar, siç janë Abdurrahim Buza, Petru Aruștei, Dan Erceanu și Vangjo Vasili. Në këtë numër të revistës mund të gjeni tekste që u përkasin emrave të njohur të botës akademike, si Prof. Dr. Stoica Lascu, Dr. Ina Arapi apo studimin e të mirënjohurit albanolog Robert Elsie, por edhe tekste të shkrimtarëve rumunë dhe shqiptarë, siç janë Ismail Kadare, Bardhyl Londo apo Liviu Lungu. Nuk mungojnë studimet e Dr. Radu Săvulescu dhe Dr. Luan Topciu, drejtori dhe kryeredaktori i revistës. Gjithashtu, lexuesi do të gjejnë dy intervista shumë interesante: njëra e realizuar me shkrimtarin Cezar Ivănescu nga gazetarja Clara T. Vâslan, kurse intervista tjetër është një dialog midis shkrimtarit dhe diplomatit Agim Isaku me shkrimtarin dhe kritikun letrar Marius Chelaru. Drejtori ekzekutiv i ALAR, Dr. Radu Săvulescu, shprehu shpresën se revista „Albanica” do të rifillojë së shpejti shpërndarjen në vend, e cila është ndërprerë për shkak të pandemisë: „Fatkeqësisht, kemi qenë të detyruar që të pezullojmë evenimentet për prezantimin e revistës, ashtu siç duhet të vepronim edhe me rastin e aktiviteteve të tjera kulturore. Promovimi i numrit 5 të revistës, që ishte planifikuar të bëhej në qytetin e Timishoarës, u anulua në momentin e fundit, në muajin mars, dhe situata e tanishme nuk na lejoi që të takoheshim me publikun as për promovimin e këtij numri të ri. Megjithatë, kemi bërë të mundur transferimin e këtyre evenimenteve në hapësirën online, në mënyrë që të ruajmë një rrugë komunikimimi me lëçitësit dhe me miqtë e komunitetit shqiptar të Rumanisë. Sigurisht, asgjë nuk mund të zëvendësojë takimin direkt, prandaj shpresojmë që, me uljen e rrezikut të epidemisë, të mund të takohemi me lexuesit tanë nëpër qytete të ndryshme të Rumanisë”.

Revista „Albanica” shpërndahet falas nga Shoqata Lidhja e Shqiptarëve të Rumanisë nëpër biblioteka, universitete dhe institucione të kulturës në Rumani dhe jashtë shtetit. Ajo mbërrin, gjithashtu, edhe tek specialistët dhe tek të apasionuarit mbas albanologjisë. Më shumë informacione mund të gjeni në faqen e internetit të organizatës, www.alar.ro.

Albanica, nr. 6 – Përmbajtja

Luan Topciu, Askush nuk mund të shpëtojë i vetëm

Prof. Dr. Stoica Lascu, Nicolae Iorga dhe shqiptarët në vitet e formimit të shtetit shqiptar (1912-1915) Dr. Ina Arapi, Mbi historinë e përkthimeve biblike në gjuhën shqipe

Qemal Agaj, Gjon Mili: fotografi i shquar botëror

Gjon Mili, Fletë nga ditari, Bukureshti

Dr. Radu-Cosmin Săvulescu, Jeta e krishterë në territoret shqiptare gjatë periudhës së mbretërisë së parë bullgare

Cezar Ivănescu – Clara T. Vâslan, Vështrimi i shkurtër mbi vdekjen dhe ringjalljen

Agim Isaku – Marius Chelaru, Letërsia duhet vlerësuar për vlerat e saj autentike

Ismail Kadare, Ndërtimi i Piramidës së Keopsit

Liviu Lungu, Fragment nga proza „Zanafilla”

Bardhyl Londo, Medaljon, poezi

Robert Elsie, Shkencëtari vjenez që mund të bëhej mbret i Shqipërisë: baroni Franz Nopcsa dhe kontributi i tij në studimet shqiptare

Dr. Luan Topciu, Proza shqipe – Kadare

Series Navigation<< ALAR mbetet pranë miqve të sajAlbumi „Muzică veche albaneză” (Muzikë e vjetër shqiptare) është tani i disponueshëm në internet >>